يالله يـا مفـرج همـوم الخليقـه فرّج على قلبـي جميـع العوايـق
كـم ليلـةٍ هلّـت دموعـي دفيقـه في حزة الشـدات ويـن الرفايـق
الناس تحذر من حـدوث الحريقـه والا أنا ضاري ع كثـر الحرايـق
وش حال من ليلـه وهمـه رفيقـه ياغير حسره والأيـادي صفايـق
شعري أصيغه كيف ما أبغي وأسيقه والشعر يا هل الشعر فن وطرايـق
الحـر عاجـز والرخايـم طليقـه والروس نامت والبصابص طلايق
الشيخ شيـخٍ لـو تغلّـق طريقـه والعبد عبـدٍ لـو بالأمـوال فايـق
والصاحب اللـي مايقـدر رفيقـه لا ما يوفيلـك وعـود و وثايـق
لا لا يغرك في السحايـب بريقـه يلين تنظـر مـن ودقهـا هرايـق
ألف أولف والأسـى مـن يطيقـه والباء بديت ودمع عينـي دفايـق
والتاء تسـاوت ساعتـي بالدقيقـه والثاء ثواني الوقت تمشـي دقايـق
والجيم جن الشعر حاضـر فريقـه والحاء حضور الجن غيّب فرايـق
والخاء خصر غرنوق محلا رشيقه والدال دوّر راسـي تلـع العنايـق
والـذال ذاهـل والمذاهـل أريقـه والراء رسى قلبي في بحر العشايق
والزا زماني ياعرب دايـم زهيقـه والسين ساهر خلي ماهوب رايـق
والشين شيـن ٍ ولاعرفنـا نعيقـه والصاد صد الشوق سبّب مشايـق
والضاد ضل العدل ياهـي حقيقـه والطاء طعم الظلم شيـن المذايـق
والظاء ظلال الشوق بيّـن وهيقـه والعين عين الحـر تقـرا الحقايـق
والغين غيـمٍ فيـه رعـد وبريقـه و الفا فـلا تنسـاه رب الخلايـق
والقاف قمت مـن المنـام وعبيقـه والكاف كهف الخوف فتّق رتايـق
واللام لولو ودر ومرجان وعقيقـه والميم موج البحر مالـه صدايـق
والنـون نـونٍ والقلـم والوريقـه الهاء هـلا بالزيـن عـد النوايـق
والواو وداع الله يا أغلـى رفيقـه واليـاء يالله رحمتـك والوفايـق
وصلاة ربي عالنبي سيـد الخليقـه عد المزون وعـد طلـق التفايـق